Data:
luns, Xullo 4, 2022
A adega os Areeiros, de Vilaboa, volve ver recoñecida a calidade dos seus viños amparados baixo a Indicación Xeográfica Protexida Ribeiras do Morrazo cun novo galardón.
Nesta ocasión, trátase do Gran Baco de Ouro deste ano, que foi outorgado pola Unión Española de Catadores. O premio é para a súa colleita de 2021 nun certame que buscaba, precisamente, aos mellores viños novos de España e que o atopou neste albariño embotellado en Vilaboa. O premio non só supón un gran recoñecemento para esta adega senón para toda a IXP que se está dando a coñecer cada vez en máis mercados.